گنے کا رس گرمیوں میں لو لگنے سے بچانے میں مفید اور خوش ذائقہ بھی ہوتا ہے لیکن کیا آپ کو معلوم ہے گنے کا رس خالی پیٹ پینے سے صحت پر حیرت انگیز اثرات مرتب ہوتے ہیں۔
آج ہم آپ کو گنے کا جوس خالی پیٹ پینے کو فوائد بتاتے ہیں:
فوری انرجی کا ذریعہ:
گنے میں بڑی مقدار میں گلوکوز پایا جاتا ہے جس کے باعث نہار منہ یعنی خالی پیٹ گنے کا رس نا صرف موڈ کو خوشگوار کرتا ہے بلکہ آپ کو توانائی بھی فراہم کرتا ہے ۔
پانی کی کمی دور کرنے اور جسم سے زہریلے مادوں کے اخراج کیلئے بہترین:
گرمیاں شروع ہوتے ہی زیادہ پسینہ آنے لگتا ہے جس سے جسم میں پانی اور نمکیات کی کمی پیدا ہوجاتی ہے یہ صورتحال ہیٹ اسٹروک کی وجہ تو کبھی بلڈ پریشر کا باعث بن جاتی ہے۔
گنے کا جوس جسم میں پانی کی کمی کو دور کرتا ہے اور ساتھ ہی جسم سے زہریلے مادوں کو دور کرکے جسم کو صاف رکھتا ہے۔
غذائیت کا پاور ہاؤس:
گنے کے جوس کو غذائیت کا پاور ہاؤس بھی کہا جاتا ہے کیونکہ اس میں اے، بی کمپلیکس اور وٹامن سی کے ساتھ منرلز اور کیلشیم پایا جاتا ہے۔
اس کے علاوہ گنے کے رس میں موجود اینٹی آکسیڈنٹ قوت مدافعت کو بڑھاتا ہے ساتھ ہی اس سے دانت اور ہڈیاں بھی مضبوط ہوتی ہیں مزید برآں گنے کا رس نظام ہاضمہ کیلئے بہترین ہے۔
جلد کو نکھارے:
گنے کے رس میں موجود وٹامن اور منرلز صحت کے ساتھ ساتھ جلد کو بھی خوبصورت بناتے ہیں،گنے کے استعمال سے جلدی مسائل جیسا کہ دانے، داغ اور جلد کا روکھا پن دور ہوتا ہے۔
