چلڈرن ہسپتال میں مریض بچے کی ہلاکت اور لواحقین کی جانب سے ڈاکٹر کو تشدد کا نشانہ بنانے کے خلاف لاہور سمیت پنجاب بھرکے تمام سرکاری ہسپتالوں میں ینگ ڈاکٹرز ایسوسی ایشن کی ہڑتال

لاہور(مدثر قدیر )چلڈرن ہسپتال میں مریض بچے کی ہلاکت اور لواحقین کی جانب سے ڈاکٹر کو تشدد کا نشانہ بنانے کے خلاف لاہور سمیت پنجاب بھرکے تمام سرکاری ہسپتالوں میں ینگ ڈاکٹرز ایسوسی ایشن کی ہڑتال ہفتہ کے روز بھی جاری رہی ڈاکٹرز نے او پی ڈی کا مکمل بائیکاٹ کیا میو ہسپتال اور لاہور جنرل ہسپتال میں ینگ ڈاکٹرز نے سیکورٹی بل منظور کرنے اور ڈاکٹروں کو تحفظ فراہم کرنے کے حوالے سے احتجاجی مظاہرہ کیا اور نعرے بازی کی ڈاکٹرز کی ہڑتال کے باعث ہسپتالوں میں دور دراز سے علاج معالجہ کی کی غرض سے آنے والے غریب اور لاچار مریض درد اور تکلیف میں تڑپتے رہے اور بغیر علاج کے واپس گھروں کو لوڈ گئے ،جبکہ ینگ ڈاکٹرز نے ایک بار پھر اپنے مطالبات دھراتے ہوئے کہا ہے کہ سیکورٹی بل فوری منظور کیا جائے ،ڈاکٹر پر تشدد کرنے والوں کو کیفر کردار تک پہنچایا جائے ،ڈاکٹروں کی تنخواہوں میں اضافہ کیا جائے اور ہسپتالوں میں ڈاکٹروں کی کمی کو پورا کرتے ہوئے نئے ڈاکٹروں کی بھرتی کی منظوری دی جائے انہوں عزم ظاہر کیا ہے کہ مطالبات کی منظوری تک احتجاج جاری رہے گا ۔